週末台灣美食節 食、玩4大專區率先睇
由9月16日至17日，台灣觀光協會於荷里活廣場舉辦一連兩日的台灣農莊美食節。集10間台灣知名農莊發美食單位，烹調多款新鮮台灣特色美食。另外，還有DIY教室體驗等專區。一齊睇睇4大專區，趁週末感受一下台灣風情。
第一專區：農莊美食專區
農莊美食專區集10間台灣休閒農莊及美食單位，炮製出台灣特色美食，包括有鹹食、甜品及飲品，立即睇睇5大美食精選。
首先有打頭陣的蚵仔麵線，選用新鮮蚵仔，全部即叫即焗，鮮甜多汁無腥味；麵線內有木耳、日式魚蛋等材料。
另外， 由宜蘭縣的童話村有機渡假農場推出的「桑椹起司豬排麵」。豬排肉質軟稔，經過烤煮後的芝士滿溢，桑椹醬酸甜醒胃，中和膩感；配上由桑椹製成的麵條，灑上肉鬆，十分惹味！
另一鹹點還有即焗雞翼，焗至金黃色的雞翼塗上由三富休閒農場自家製的柚子金棗醬，酸甜清新。
甜品方面，有「好色湯先生及繽紛糕小姐」。「好色湯先生」是加入天然食材，如薑黃、紅菜頭、青黛等，磨成粉搓成的五色湯圓。有色湯圓內無餡，而白色湯圓加入芝麻餡，配上自家製的紅棗桂圓糖水，滋補外湯圓遺煙韌。「繽紛糕小姐」也是選用天然食材色素製成的糕點，配上桂花糖漿，味道清新。
飲品方面，有人氣「愛玉水果冰茶」。首先加入愛玉、水果等配料，搖勻自家種植的烏龍茶發熱情果濃縮糖漿，加入適量黑糖糖水即可。味道清新解渴，甜而不封喉。
第二專區：農莊DIY教室
由4家農場業者即場授教4款台式風味菜式，其中包括有「創意五色米飯糰便當」、「宜蘭金棗地瓜大福」、「關西仙草奶凍」及「檜樂惜福」。大家只需在活動期間每日下午1時起，即場捐款港幣20元，便可報名參加指定時段「農莊DIY教室」一節，每節長約1小時，每節名額有限，先到先得，額滿即止。
第三專區：水果彈珠台
以台灣夜市裡極受歡迎的彈珠台為靈感，設計出特色「水果彈珠台」，贏得分數可以兌換台灣水果、農特產伴手禮或水果精品。
第四專區： 農莊養生旅遊資訊
由6家旅行社全天候介紹以台灣農莊為主題之旅遊資訊，更推出不同會場限定優惠，想知道更多有關台灣旅行資訊，不妨到這裡逛逛。
【精選推介】
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
