租樓唔使驚樓價跌、銀行加息？ 網民分析：租樓比買樓好嘅五大理由！
最近樓市有向下滑嘅趨勢，唔少人都議論紛紛現時究竟係咪一個入市買樓嘅好時機，而到底喺香港又其實係租樓好定係買樓好呢？最近就有網民喺連登討論區上發文，分析指租樓會比買樓更加好，並列出當中嘅五大原因，唔知大家對於網民嘅意見又認唔認同呢？
1. 擁有較好嘅現金流
樓主就表示租樓會比起買樓更好嘅第一個原因係租樓會有較好嘅現金流，可以預留現金作為其他資產嘅配置：「租樓有比較好現金流，預留現金做其他資產配置。另外現在香港租樓可以扣稅，買樓在稅務優勢方麵(面)全失」
網民認為租樓對比於買樓有較好的現金流，可預留現金以隨時作其他用途，而租樓更可以有稅務方面的減免。
2. 不受樓價下跌影響
樓主認為第二個原因係租樓並唔會受到樓價下跌所做成嘅影響：「不受樓價影響。樓價下跌，9按業主隨時成為負資產，身心受損，可能收租都唔夠畀醫藥費」
網民認為租樓有不受樓價下跌影響的好處，不用擔心單位變為負資產。
3. 不受加息週期影響
樓主認為租樓除了不受樓價下跌影響外，租樓亦不會受到銀行加息週期影響：「不受加息週期影響。一加息，供樓業主就要供多啲，有堆傻9業主唔知個P rate會調，供供計錯晒數，今次月供愈窮」
網民認為銀行加息不會對租樓人士造成影響，不用擔心每個月為供樓要支付更多金錢。
4. 可選擇高質素新樓
而第四個原因，樓主認為租樓有更多的選擇，如可租住高質素嘅新樓，並可享用其設備以及會所：「租樓有選擇權租高質素新樓，優先享用一手物業設備及會所，完約後將殘舊單位交還」
網民認為租樓可以選擇租住高質素新樓，優先享用一手物業設備及會所設施，而完約後更可將租住過的殘舊單位交還。
5. 無需支付額外費用
樓主認為租樓比買樓更好嘅最後一個原因係租樓無需再額外支付如管理費、差餉及維修費等費用：「租樓不用再付額外費用，例如管理費，差餉，單位一般維修，大維修等」
網民認為租樓除了租金以外，不用再支付如管理費、差餉及維修費等的額外費用。
網民補充：性價比高？地域流動性更好？
而另外有網民亦認為租樓比買樓更好，並補充租樓嘅性價比高以及地域流動性更好：「性價比高，一㗎(架)幾百萬超跑，租一日都要約一雞野(嘢)。今時今日租間一千萬樓先萬幾二萬蚊，幾萬蚊一個月已經租到幾千萬樓，講緊好多人一世都搵唔到嘅金額你幾萬蚊可以爽一個月。地域流動性(較佳)，按工作/生活環境隨時選擇地點，有得揀，你先係老闆」
不過亦網民認為租樓會有被業主加租以及冇得裝修等問題：「每年加你租，每年搬屋，永遠冇得裝修」，更有網民認為當租樓租到60歲要退休嘅時候會難以再搵到租盤：「租到60歲之後訓(瞓)街唔講？」、「60歲之後搵咩交租？老底？冇收入邊個敢租比(畀)你？」
另有網民補充指租樓性價比高之餘亦可按工作或生活環境隨時選擇租樓地點，有更佳的地域流動性。
text/Jonathan
photo/HKET圖片庫
============
同場加映：
【蝸居睇樓團】灣仔650呎雙房單位變身屋中屋 打卡圓拱窗台
港生活人氣本地熱話
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
