欲買樓網民求救：搵到個Dream House盤但天花漏水 究竟重係咪買得過？！
買樓係人生大事，不過十全十美Dream House盤，真係可遇而不求，但有網民喺連登討論區發帖求救，話自己搵到個Dream House盤但漏水，情形恍如：「你當我好似見到一個好鐘意嘅女神， 但之後發現佢係痴（黐）線嘅， 咁上下情況」，樓主預咗要重新裝修，問網民究竟呢間屋，係咪都係買唔過？！大家會畀乜嘢意見過樓主呢？
未買都睇到漏水，明顯買唔過！
樓主話個Dream House盤嘅漏水情況係：「唔知係咪樓上改咗個廁所，去咗本來睡房位」，網民都覺得唔係小事：「咁都叫到做dream house，痴（黐）X線，唔係廁所滲水，係廳wor」、「賣俾你條友連基本化妝都唔做，都幾老實」、「漏成咁，幾平都無用」，但除咗漏水，樓主似乎真係好鍾意呢間屋：「你當我好似見到一個好鐘意嘅女神， 但之後發現佢係痴（黐）線嘅， 咁上下情況」，網民忍唔住樓主錯愛：「咁舊既（嘅）樓都係女神? 收停經中女黎（嚟）喎！」，樓主無奈話：「我啲品味比較偏門」。
唔少網民都勸樓主放棄：「算啦！漏水最麻煩」、「搵過間dream house」、「未買都睇到漏水，明顯買唔過」，有網民想鬧醒樓主：「樓上漏水，你一個ON99裝修，你覺得有冇用？」，有網民建議：「
買埋樓上，一齊裝修」，有網民建議買上兩層樓：「唔知你間屋有幾dream，不如你買樓上果間啦，高一層個view 又正D，反正漏水，你可以講價講得兇狠D」。
想買樓嘅樓主睇中一間屬舊樓嘅Dream House盤，但個單位天花有滲水問題，樓主雖然都諗住要全屋裝修，但都問網民個單位係咪買得過。
有網民話漏水問題唔單係自己個單位需要裝修，而係要樓上單位嘅業主都要肯配合解決滲水源頭問題，甚至有人建議不如改買樓上嘅單位。
樓上好難搞，除非你好平買到，整個假天花當睇唔到！
有網民建議不如試吓造個假天花：「咁舊嘅樓都dream house？！又橫梁（樑）又窗口機，漏水真係唔好諗，除非你接受到做個假天花遮咗佢」、「樓上好難搞，上面唔合作玩死你。除非你好平買到，整個假天花當睇唔到」，但隨即有網民話呢個唔係好辦法：「假天花遮咗佢之後，成舊（嚿）石屎飛落黎（嚟）扑自己」，有網民話要徹底改解決漏水問題，要樓上單位都肯合作：「依啲要樓上搞」、「就算你搵到個源頭，都未必整得好，漏水係好x麻煩，小修小補既（嘅）工程，只可以頂到一段時間，點都要搵到個源頭先掂」。
有網民整理咗幾個做法：「你問下（吓）管理員，或者依家業主，有無同上面反映過，就算上面無改位，都可以係佢漏水，水經石屎走到周圍都係。辦法好多個：1) 買埋樓上；2) 你買之前叫現任業主x樓上x到佢肯整，再加裝修返樓下；3) 你當睇唔到，自己裝修完，嘆一年，因為水入左（咗）石屎你係估唔到佢會點走，所以唔係源頭入水，係解決唔到」，睇嚟，樓主不如放棄Dream House吧啦！
有網民建議不如試吓造個假天花遮住漏水嘅地方，但有網民話個有機會成嚿石屎飛落嚟整傷人。
網民建議樓主問吓管理員，或者現業主，有無同樓上業主反映過，其實因為漏水，水經石屎走到周圍都係，就算大裝修都未必能根治問題，勸樓主不如放棄呢個單位。
text/Joyce
photo/HKET圖片庫
=======
同場加映：
【蝸居睇樓團】鰂魚涌風水屋靚裝大變身 遷就床頭方位三房變四房、超強儲物衣帽間
港生活人氣本地熱話
【樂迷注意🎧】《社群》請您免費聽歌三個月！
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
