日本專家教你冬衣清潔防蟲貼士 點樣機洗冷衫先唔會縮水？ 點樣收納冬衣啲衫先唔會畀蟲蛀？
天氣愈來愈暖，就快又到收埋冬衣換季嘅日子，但無論係冷衫或者羽絨外套要點樣清洗，以至到要點樣收納冬衣啲衫先唔會畀蟲蛀，唔單止我哋，連日本人都好多疑問，朝日電視嘅新聞節目，就喺街頭收集咗幾個日本主婦有關換季衣物處理嘅疑問，再搵咗清潔用品品牌獅王嘅洗濯專家大貫和泉小姐為大家解答。
換季難題1：試過用洗衣機洗完羽絨褸之後，入面啲羽絨好似結成一嚿嚿咁，件褸唔可以再着！請問可以點樣洗？
在洗羽絨褸前，要先用海綿蘸點稀釋咗嘅清潔劑，在羽絨褸表面印走污漬。
由於用洗衣機洗羽絨褸，羽絨會浮水，污漬唔會咁易洗得到，所以大貫小姐話其實係要用手洗，輕輕力咁按壓清洗。
稍為將羽絨褸脫水，再掛在室內風乾之後，要用雙手由下而上拍手羽絨褸，以防止入面嘅羽絨毛結成一嚿嚿。
換季難題2：要點樣洗冷衫先唔會變形？
首先要睇睇洗手標籤，如果圖中嘅個標籤上面有個X嘅話，咁呢件衫就唔適合自己清洗，最好交畀洗衣舖處理。
將冷衫對摺好，再放入洗衣袋。
大貫小姐表示最重要嘅地方，係一定要選擇「弱水流」同「手洗」模式，比起用標準模式，前者係可以避免冷衫縮水。之後再加入可以防止衣物變形同起毛粒嘅衣物柔順劑。
最後要將冷衫咁樣掛起風乾。
換季難題3：點樣可以防止衣櫃入面嘅衫蟲蛀呢？
原來衣箱入面嘅塵或者棉屑，都係衣物害蟲產卵付着嘅地方，所以收納衣物前，一定要徹底抹乾淨收納箱。
由於防蟲劑比空氣重，會向下散發，所以係應該放喺衣物上面。
而喺掛衣嘅衣櫃，原來衣物放得太逼嘅話，會影響防蟲劑嘅功效，所以衣物之間最好留返啲空間，而如果衣櫃比較大，就要用多幾個防蟲劑。
text/Joyce
========
同場加映：
【家居達人】10個快速乾衣貼士 提高抽濕機效能、晾衫小妙招
港生活人氣本地熱話
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
