方力申讚小泳手肯捱表現超越9歲自己 出街遇男女老幼皆撐爭取公義
方力申日前接受媒體訪問，指出其泳會中9歲小泳手因為泳總官僚問題而無法參加錦標賽，事件持續發酵，今日小方再上《東張西望》進一步闡述事件。
方力申今日於《東張西望》再次向為運動員發聲，炮載制度抹殺香港運動員。《東張西望》訪問9歲小泳手嘅媽媽，指小朋友知道自己唔可以參加比賽時喊咗出嚟，都令佢好心痛：「唔係做錯咩，或者表現問題。」媽媽指佢本人、教練同家長都建立好深默契，都唔打算轉會，認為如果因為屬會問題令小朋友唔可以參加比賽，實在係違背普及運動嘅宗旨。
方力申指小朋友由5、6歲已經開始跟方力申嘅泳會學泳水，衫時都未識晒四式游水，即使疫情期間都聽足教練吩咐上綴上課堂，保持體能，方力申更表示喺小朋友身上睇到自己影子：「我睇到少少我自己嘅感覺，我記得我第一次去撩佢，我話：『點解你游咁慢，教練話要快，博命啲！』之後佢就衝去游，返到嚟塊面紅卜卜，所以我就覺得呢個小朋友好有鬥心好肯捱！訓練唔落力，比賽點會有成績？」小方同時指小泳手學習同模仿天份好高：「我都有單獨同佢上堂，佢最特別地方係學習力好高，話頭醒尾，你呢個動作咁好啲，佢同一日已經有改善。我同佢爸爸講，你個仔學嘢好快，爸爸都話佢個仔自己都覺得唔知點解游水嘅嘢一講就明，讀書就唔識！」
方力申指小朋友9歲長池100米自由式游出1:08，自己9歲時都只係游一分廿幾秒，佢重申每一年嘅進步同參賽機會都對小朋友好重要。方力申感謝大家對佢同小朋友嘅支持：「真係男女老幼都話好支持我，支持小朋友，因為大家都覺得係一件好正常嘅事。」小方指現時希望所有泳會泳手只要達標都可以參加比賽；第二希望泳會三級制度透明，有可升可跌機制先會有良性競爭。
港生活人氣本地熱話
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
